Selebrasaun ezistensia tinan 10 Blue Venture iha Timor Leste

Selebrasaun ezistensia tinan 10 Blue Venture iha Timor Leste.

Eselénsia Prezidente Autoridade Administrativa Ataúro, Sr. Mateus Belo, hamutuk ho Prezidente Autoriade Manufahi hola parte iha selebrasaun ezistensia tinan 10 Blue Venture iha Timor Leste ho tema “Haburas Tasi, Haburas Komunidade” Tinan 10-Esforsu Koletivu Harii Komunidade Kosteira neebe Reziliente ba Konservasaun Tasi Sustentavel

ASINATURA KONTRATU KONSTRUSAUN ESKOLA EBF BERAO – Ataúro

DILI- 10 de Fevereiru 2026, Exelénsia Prezidente Autoridade Administrativa Ataúro (PAA-Ataúro) Sr.Mateus Belo Akompaña Asosiasaun Hanoin ba Futuru Juventude (AHFJ) asina kontratu ho Embaixada Japaun hodi halo konstrusaun eskola EBF Berao, lokaliza iha Aldeia Berao, Suku Makadade, Autoridade Administrativa de Ataúro.
Eskola ne’ebé sei konstrui mak kompostu husi: Sala de aula 3 Sala profesór 1, Toilet 3, Kuadru hakerek 3, Kuadru avizu / pin board 8, Kompletu ho instalasaun eletrisidade.
Serimónia asinatura kontratu ne’e akompaña husi: Diretor Jeral Ensinu Secundáriu Jeral no Tékniku Vokasionál, Ministériu Edukasaun, Prezidente Autoridade Administrativa de Ataúro, Sua Exelénsia Sr. Mateus Belo, Xefe Gabinete no Sekretária Autoridade Administrativa de Ataúro, Diretor Servisu Edukasaun Ataúro, Xefe Departamentu Parque Eskolar, Diretor EBC Vila Maumeta, Koordenadora EBF Berao, Xefe Suku Makadade no Xefe Aldeia Berao
AHFJ hato’o agradese ba Embaixada Japaun, ne’ebé kontinua apoiu dezenvolvimentu edukasaun ba labarik sira iha Ataúro.
Asina kontratu ne’e halao iha Salaun Embaxada Japaun, Dili.
Edukasaun di’ak, futuru naroman Assosiasaun Hanoin Ba Futuru JuventudeAtauro IslandEmbassy of Japan in Timor-Leste Sivil Society Education Partnership – CSEP

Sua Eselénsia Ministru Administrasaun Estatal konvoka Reuniaun Planu Investimentu Munisipal tinan 2027

Dili, 30 Janeiru 2026; Sua Eselénsia Ministru Administrasaun Estatal, Sr. Tomás do Rosário Cabral, konvoka reuniaun Planu Investimentu Munisipal tinan 2027 ho Prezidente Autoridade sira inklui Autoridade Administrativa Ataúro ne’ebe prezenta hosi Sekretária Administrasaun Finansas, Sra. Victoria da Costa Gomes inklui Sekretáriu Planeamentu Investimentu Dezenvolvimentu Integradu (PIDI), Sr. Vicente Sanches Soares, iha Salão INAP Comoro Dili.

Haree fila-fali ba lei Munisipiu, Munisipiu balu seidauk entrega prosesu aprovizionamentu. Planu aprovizionamentu tenke entrega ba Sua Eselénsia Ministru dentru de fulan janeiru atu bele halo aprovasaun.

Orsamentu ba Autoridade Administrativa Ataúro la iha problema maibe presiza ejekuta ho kuidadu no presiza mos ita hotu nia akompañamentu.
Sua Eselénsia Ministru Administrasaun Estatal mos husu Autoridade Administrativa Ataúro atu halo intervensaun ka hapara kompania Tinolina atu labele kee estraga foho iha Beloi, parte Usularan, tanba ita sa’e ro ka aviaun haree rai ne’e ladun diak. Alende ne’e Sua Eselénsia mos konvida PAM no SECAM sira atu vizita Ataúro.
Diretor servisu Autoridade Administrativa Ataúro ne’ebe partisipa iha reuniaun ne’e mak Diretor Ajensia Planeamentu, Diretor Servisu Obras Públika no Xefe Departamentu Serivsu Programa Nasional Dezenvolvimentu Suku (PNDS).

Inan Feton sira hosi Doru antusias hodi partisipa servisu cor estrada ne’ebe apoiu hosi MOP.

Doru, 11 Dezembru 2025; Eselensia Prezidente Autoridade Administrativa Ataúro, Sr. Mateus Belo, akompaña komunidade iha Doru cor estrada rural ne’ebe apoiu hosi Ministériu Obras Públika (MOP).

Iha terrenu nota katak komunidade sira antusias hodi apoiu servisu, Inan Feton sira ho inisiativa hahu dadauk ona servisu hodi hahu iha kuarta (10/12) no sei kontinua to’o Sexta (12/12) hodi hein mane sira sei iha Dili ba peska no ohin (12/12) sira sei fila hikas mai Ataúro hodi apoiu servisu ne’e to’o remata.

Diseminasaun Informasaun Pagamentu Dijitál ne’ebe fasilita hosi BCTL

Ataúro, 30 Agostu 2025; Exelensia Prezidente Autoridade Administrativa Ataúro, Sr. Mateus Belo abertura Diseminasaun Informasaun kona-ba Pagamentu Dijitál ne’ebe fasilita hosi  Banku Sentrál Timor-Leste (BCTL) iha Salão de Encontro MPC Ataúro.

Eventu ne’e ofisialmente abertura hosi Exelensia Prezidente Autoridade, Sr. Mateus Belo, iha ninia intervensaun, apresia Banku Centrál hodi lori inisiativa importante ida-ne’e mai Autoridade Administrativa Ataúro.

“Agradese tebes ba inisiativa hosi Banco Central hodi mai fahe Informasaun Pagamentu Dijitál ba emprezariu sira iha ne’e, hein katak liu hosi deziminasaun ida ne’e bele tulun emprezariu sira hodi komprende utilizasaun Pagamentu Dijitál”.

Sr. Andre da Costa, iha nia intervensaun hato’o katak:

• Pagamentu dijitál no servisu finanseiru sira aliña ho programa Governu atu promove Ekonomia dijitál.
• Programa ida-ne’e aliña ho Timor-Leste nia preparasaun atu adere ba ASEAN, ne’ebé presiza moderniza liu tan infraestrutura dijitál sira.
• Pagamentu dijitál hamenus kustu operasionál ba Banku Sentrál no banku komersiál sira – liuliu durante importasaun no distribuisaun osan notas –ho kustu ne’ebé boot.
• Nu’udar Katalizadór, Banku Sentrál kontinua lidera esforsu atu promove pagamentu dijitál iha sistema finanseiru Timór-Leste nian. Hanesan operador (servisu ho instituisaun finanseiru sira atu harii sistema sira ne’ebé presiza) no regulador (haree operasaun pagamentu dijitál sira), BCTL iha kompromisu atu asegura ekosistema pagamentu ida-ne’ebé seguru, modernu no efisiente ba nasaun ne’e.

Aprezentador sira sei ko’alia liu kona-ba sistema pagamentu dijitál no infraestrutura sira ne’ebé disponivel iha Timor-Leste, enkoraja partisipante sira atu envolve no husu pergunta hodi kompriende diak liu tan pagamentu dijitál

Espera katak, iha futuru, wanhira sidadaun sira hetan koñesimentu diak ona kona-ba pagamentu dijitál no servisu ne’ebé disponivel, ema hotu sei uza sistema pagamentu dijitál ba tranzasaun sira.

Exelénsia PAA-Ataúro Asina kontratu ho empreza lokal sira ba projetu PDIM 2025.

Ataúro-29 Jullu 2025; Exelénsia Prezidente Autoridade Administrativa Ataúro, Sr. Mateus Belo, selebra kontratu ho empreza lokal ne’ebe selesionadu ba konkursu Planeamentu Dezenvolvimentu Integradu Munisipal (PDIM) mak hanesan, empreza Realidade Salnes Unipessoal, Lda, empreza Cafiob II Unipessoal, Lda no empreza Cottonii Group, Lda ho projetu sira hanesan tuir mai:

1. Konstrusaun Postu Saude iha Meta Nau, Suku Biqueli ho Valor kontratu $ 214,499.01 sei kontrui husi Empreza Realidade Salnes Unipessoal, Lda
2. ⁠Konstrusaun Rezidensia Médiku iha Aldeia Anartuto, Suku Macadade ho valor kontratu $ 90,365.21 sei konstrui husi Empreza Realidade Salnes Unipessoal, LDA
3. ⁠Konstrusaun Rezidensia Professores iha Aldeia Atekru, Suku Beloi ho valor kontratu $ 69,942.23 sei kontrui husi Empreza Cafiob II Unipessoal, Lda
4. ⁠Konstrusaun Refeitoriu iha Vila Maumeta ho valor kontratu $ 63,067.77 sei konstrui husi Empreza Cottonii Group, Lda

Iha serimonia selebrasaun kontratu ne’e akompaña hosi Exelensia Prezidente Autoridade rasik, Diretor Edukasaun no Diretor Saúde hanesan nain ba projetu, Sekretátiu Administrasaun i Finansas, Diretor Aprovizionamentu ho ekipa, Xefe Departamentu Ajensia Planeamentu ho Enjineiru sira no Diretor Empreza lokal sira.